كيف تصبح مبرمج ناجح في حياتك العملية والدراسية الجزء السادس


فهاد الجزء السادس من سلسلة كيف تصبح مبرمج ناجح غادي نكملوا المقالات ديالنا ونطرقوا لأمور أخرى مهمة في حياة كل مبرمج العملية والدراسية.

1- كن متجدد

دائما بقى مواكب الجديد هاد الميدان كل يوم كيزيد يتطور فحاول تشترك فمواقع لي كتحط جديد الدروس والأخبار باش تبقى دائما متجدد.

2- لا تحاول تعلم كل شيء

متحاولش تعلم جميع لغات البرمجة راه مستحيل تعلمهم كاملين فالمقابل حاول تاخد لي غادي تحتاج حسب الميدان لي نتا ختاريتي تطوير المواقع أو تطبيقات الهاتف...باش متطيحش فحلقة لي هي مفرغة.

3- إختر اللغة المدعومة من الكبار 

فحاول دائما تختار التقنيات لي مدعومة من الكبار فمثلا react لي هي مكتبة javascript مدعومة من فيسبوك وهذا كيخليها دائما تبقى فالطوب ديال المكتبات فدائما ختار اللغات والتقنيات المدعومة من كبار التكنولوجيا.


4- قرا documentation

حاجة مهمة لي كيغفل عليها عدد من الناس أنهم مكيقراوش documentation فكل لغة أو مكتبة كتلقى عندها documentation ديالها ولي غالبا كيكونوا فيها دروس للمبتدئين فحاول دائما تشوف docs.

هذا مكان فهاد الجزء نتلقاو فالجزء السابع إنشاء الله.